هوى الشام| يبدو أن الكتابة الدرامية أمام مرحلة جديدة يلجأ فيها الكاتب إلى منشورات فيسبوك ليستكمل بناء نصه، ويقنع المشاهدين بتفاصيل حكايته، مستكملاً خيوط حبكته، ومجيباً عن الأسئلة التي كان ينبغي الإجابة عنها في المسلسل من خلال السياق الطبيعي المنطقي للأحداث.
اليوم نشر كاتب ” كسر عضم” علي معين صالح على صفحته في فيسبوك، يوضح بعض التفاصيل التي بدت كقفزات سريعة ملتبسة في الحلقة 21، وقال:
“كونه الإيقاع السريع هوي شي جديد على المسلسلات السورية، هاد الشي شتت ذهن بعض المشاهدين لبعض أحداث مسلسل “كسر عضم”، لهيك حبينا نوضح مجموعة نقاط:
سؤال ١) ليش هيثم خبّى على الحكم مرضه؟
لأن ببساطة في جبهة مفتوحة مع خصمه أبو سام، ولو الحكم وصله خبر المرض وهوي بعزّ المعركة كان هاد الشي رح يكسره، ويكسر كل أعوانه.
سؤال٢) معقول الحكم ينسى يخرطش مسدسه؟
لاء أكيد كان مخرطشه، بس اللي صار هوي عطل ميكانيكي بيسموه (روكبة السلاح)
طبعا بدكن تقلولي هلق عجبه يروكب!
شو رأيكن طيب كنت بقتلو لـ أبو مريم ومننزع المسلسل.
سؤال٣) كيف يارا إختو لـ إيليا؟
بيساطة مالك (#جمال_العلي) ترك ابنه إيليا وراح أسلم واتزوج وخلًف يارا، وماعد عرف ايليا شي عنه.
سؤال٤) ليش يارا ما لجأت لـ إيليا قبل؟
لأن ردة فعل إيليا متوقعة وشي بديهي بدايةً ما يتعاطف معها نتيجة حقده على أبوه، بس لجأتله بعد ما استنفدت كل الخيارات.
سؤال٥) علاء رح يطلع أخوها لـ شمس؟
ممكن إي وممكن لاء”.
المصدر:مواقع
(( تابعنا على الفيسبوك – تابعنا على تلغرام – تابعنا على انستغرام – تابعنا على تويتر ))
