دمشق – هوى الشام
كيفك حبيبتي عنجد فقست جوازة بنتك ؟؟
اي والله فقسنا ومشي الحال.
شو هالحكي!! والله زعلت وقت دريت.. خير ليش ؟؟ والله كان عريس ظريف ولقطة وابن عيلة !!
لا ابن عيلة ولا بطيخ .. قال شووو .. نحن ناس مو شبعانين.. وعم نتاجر بـ بنتنا.. لأنو طلبنا مهر البنت بالدولار ..
شووووووو هالحكي !! يا عيب الشوم عليهم.. شو مفكرين أخدين بنت عادية .. شو بنات العالم لعبة بين إيديهم..حمدلله يلي كشفتوهم على حقيقتهم.. عنجد ناس جربانة.
اي والله.. كلون 10 آلاف دولار ..رح يكسروهن يعني !! اي من طرف الجيبة .. لعمى شو مأنشحين!! كسرو ايدون وشحدو عليها!!
يوووووووووه !! حمدلله ألف قلبة ولا غلبة حبيبتي .. وخلي العسل بوكارو لتغلى أسعارو.
