بالصورة- ريم نصر الدين تشارك صورة لوجهها المليء بالحبوب.. والسبب؟

هوى الشام|   نشرت الممثلة السورية ريم نصر الدين صورة جديدة عبر حسابها الخاص على موقع التواصل الإجتماعي، ولاقت تفاعلا كبيرا من الجمهور لسبب جرأتها.

وعلقت الممثلة السورية على المنشور ذاته بتعليق منها حول الظهور الغير حقيقي للكثير من المشاكل وقالت: “كل شي بتشوفوه ع مواقع التواصل .. مفلتر .. العلاقات الزوجية والعاطفية الصداقات .. الأشكال .. الأجسام المثالية .. البشرات الصافية .. الجمال .. الحب ..الشي الوحيد الواقعي بالدنيا هو أنتِ عالمراية .. ب وجهك يلي بيتعب ومعرض يتعب بحبوب بتجاعيد و ندبات الوقت”.

وتابعت: ” آثار الألم الحزن الفقدان .. جسمك يلي مع كل رفعة هرمون بيتغير بتنصحي بتنحفي بتولدي بتتزوجي ، حياتك شعرك أضافرك نفسيتك ..مانك مطالبة تكوني مثاليّة وتقعدي تهدمي بحالك و تضلي محاطة بهالة المثالية و الجمال”.

وختمت: “أنت الواقع أنت الشي الحقيقي يلي ما ببين بالكاميرا يلي بحاولوا يخفوه ليصيروا محط أنظار مو أكتر .. و بآخر الليل بيتسكر هالباب و العمر رح بروح .. اهتمي بحالك كرمال حالك و حبي حالك بعيد عن الوهم، صرلي وقت عم حارب حبوب بوجهي .. و فجأة حسيت اني فايتة بمعركة سخيفة و قررت صورهم و شارككم بشرتي يلي حالياً بتشبه نفسيتي”.

المصدر:مواقع

((  تابعنا على الفيسبوك   –  تابعنا على تلغرام   –   تابعنا على انستغرام  –  تابعنا على تويتر ))