هوى الشام
أنهت 8 مؤسسات أوروبية مستقلة ورسمية، مدعومة من الاتحاد الأوروبي دراسة “معمّقة ” حول “جمهور الإعلام السوري للعام 2016″نشرت على موقع المؤسسة.
وهذه “المعمقة ” تمت على 1708 أشخاص في 14 محافظة بين موالي ومعارض بمعدل وسطي 122 شخصا من كل محافظة ، يعني سمحولي ماكانت تضبط معي رغم كسلي وجحشنتي بالرياضيات ماكانت تضبط ..إي شو هالحكي ؟؟!! دراسة وأمم متحدة وأكتر من عشرين مليون كيف ضبطت معون بس 1708 والله كتير قلال.
وقال شو النتيجة كالتالي شام اف ام اذاعيا ودوّرها وتشرين صحفيا عغفلة بيشتي ، وسما تلفزيونيا لعنوا سمانا وسانا الكترونيا شي بيوقف شيب بيمشي وقذيفة هاون فيسبوكيا يارب استرنا، بالله قولولي وين هالجمهور الفهمان وين الفرحانين المطبلين بمرتبة هي ومرتبة هداك لمجرد انها دراسة اوربية “معمقة”يعني أنا متأكد أنون هلق عبيضحكوا علينا ويقولوا ياحرام هالشعب المسكين إعلامه بيضحك عليه وهني بيضحكو عبعض ونحنا منضحك عالكل.
