روعة ياسين: بحترم النجمات الموجودين على الساحة ولكن شو المانع بدل 7 نجمات يكونو 10؟

هوى الشام| حلّت الممثلة روعة ياسين ضيفة في برنامج شو القصة مع رابعة ومن أهم النقاط التي دار حولها الحديث موضوع الزواج حيث قالت روعة…كنت شايلتو من بالي لفترة،إنو الواحد يأسس ويوصل لطموحو، بعدين إجت الظروف يلي مرقت علينا بسورية، لأنو أنا كنت سند لعيلتي وأخواتي وإجت وفاة والدي كمان.

واضافت…ببداياتي أول فرصة أخدتها مع الاستاذ أيمن زيدان بمسلسل انت عمري، وانا كتير بحترمو فنياً وإنسانياًوهو كان يساعد كتير ناس جداد ويقدملن فرص.

وببداية عام 2000 كان في مين يصنع ويدور على نجوم وبعدين فاتت الامور ببعضها وصارت القصة مخربطة وصارت في ناس تاخد مكان ناس.

النجمات يلي موجودين عالساحة هنن كم وحدة وأنا بحترمهن وبحبن، بس شو المشكلة لو بدل ما يكون 7 مثلا يصيرو 10؟ ليش لازم يلي متلي انا لازم قاتل لاخد دور أول ؟ العجلة بالدراما تبعنا واقفة عندن وما عم تدور.

في مسلسلات بسموها بطولة جماعية بس يلي عم يصير إنو بلمعو 4 او 5 اسماء وبيتجاهلو الباقي .
المجتمع هو ظالم بكتير تفاصيل وعلى قولة المصريين حافظ بس مش فاهم ، وأنا ماعم اقبل الادوار الثانوية وعندي ايمان كبير انو رح يجي الوقت وتزبط معي.

مافي انثى ما بتحب تكون أم ، بس بتمنى الشريك يلي رح يكون عندي منو ولاد يكون رجل حقيقي ومنيح وبدي قلو إن شاءالله تكون قد الثقة يلي انا حاسة فيها.

في عالم بحطو صورتي جنب صورة الله يرحمو ياسين بقوش وبقولوا هاد ابوها ، وانا بحبو بس هاد شي غلط وما بحب اخد واعطي ، وبقول الله يشفي هل عالم يلي بتتنمر.

((  تابعنا على الفيسبوك   –  تابعنا على تلغرام   –   تابعنا على انستغرام  –  تابعنا على تويتر ))