علاء قاسم يهاجم “صنّاع الفن” ويصفهم “بالكذابين والمنافقين” وليليا الأطرش تدعمه

هوى الشام| وصف الفنان السوري علاء قاسم المخرجين والمنتجين، وشركات الإنتاج “بالكذابين والمنافقين”، دون ذكر تفاصيل.

ونشر قاسم عبر حسابه على فيسبوك منشوراً أعرب من خلاله عن غضبه الشديد بسبب إخلال صناع الفن بالوعود والاتفاقات.

وعلق قاسم قائلاً: “بمناسبة دراما رمضان.. بيتفق الممثل على أي شي مع المنتج أو مع المخرج أو مع كليهما.. بيبدh عرض المسلسل بيكتشف الممثل انو الاتفاق ما تم.. رغم الحلفانات والايامين المعظمة ومسك الشوارب.. بترجع للمنتج بقلك مو انا ما دخلني هادا المخرج.. بترجع للمخرج بقلك مو انا هادا المنتج.. بتجمع التنين سوا.. بيطلع معهم انو مدير الانتاج هو السبب.. بترجع لمدير الانتاج بقلك هنن التنين السبب وهكذا دواليك”.

وتساءل الفنان قاسم عن تطور مهنة الفن بوجود أشخاص وصفهم على حد تعبيره بالمنافقين والكذابين، بقوله: “مجال المعتبرين حالهم قائمين عليه كذابين أو منافقين او ما عندهم الحد الادنى من الرجولة.. كيف ممكن يتطور؟؟ اغلبوا بيتعامل مع كل المهنة انها سبوبة ع طريقة سوق الهال”.

في حين أيدت الفنانة السورية ليليا الأطرش كلام زميلها قاسم عبر مشاركتها منشوره في حسابها على “فيسبوك”، مؤكدة أن هجومه منطقي وصناع الدراما لا يوفون بوعدهم.

وعلقت الأطرش: “لسا في كمان أصدقائنا !!! المنتجين والمخرجين ومدراء الانتاج يلي بيشوفك بيضرب على راسو وبيسألك اووووف وين مختفي ليش مبعد عن الوسط ليش ماعم تتواصل وانت طبعاً لا مختفي ولا مبعد ومن الاصل مافي هالتواصل الا من خلال الشغل.. بيرجع بيقلك عندي ٣ مسلسلات رح تكون معي بالتلاتة انشالله بيجي الاول بيختفي هوه وبيبعد وماعد بيهمو يتواصل بتشوفو بالصدفة بيقلك يا اخي المخرج عندو رؤيتو وطبعا بالعكس المخرج بيقلك المنتج او بيقولوا مدير الانتاج قال انك مسافر ومدير الانتاج بيقلك ما دخلني وطبعاً ولا واحد فيهون بيكون اصلا متصل ودائما حجج ووعود بيخلصوا التلت مسلسلات وبيخلص الموسم وبيجي الموسم الجديد نفس الحكي.. يلا خليني ساكتة أحسن، رمضان كريم للجميع”.

((  تابعنا على الفيسبوك   –  تابعنا على تلغرام   –   تابعنا على انستغرام  –  تابعنا على تويتر ))