فنانة لبنانية تكشف كيف خانها زوجها على فراش الزوجية.. فيديو

هوى الشام|    خلال استضافتها في برنامج “البخت”، الذي تقدّمه خلود عزمي عبر قناة “الشمس”، كشفت المطربة دوللي شاهين عن تعرضها للخيانة الزوجية أكثر من مرة، لكنها اكتشفت تلك الخيانات من دون بذل أي مجهود.

وروت دوللي كواليس تعرضها للخيانة أول مرة قائلةً: “كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة رعب في البيت”. وأضافت: “وأنا واقفة عند أوضة النوم برتّب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمّدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب”.

وتابعت: “ربنا جابلي حقي لغاية عندي، ولقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي. كان كرم أخلاق مني وإديتها أجرها”.

وأكملت: “جوزي كان مصور فوتوغرافي في الكليب، ومش عارف إن صاحبته موجودة، وحصل مشهد درامي رهيب، هي انهارت وهو بقى مصدوم، وحلف إنه ميعرفهاش، وأنا قلت خرّجوهم برا وكملت يومي عادي”.

ورداً على سؤال عن آخر خيانة تعرضت لها، قالت: “جوزي كان مقيم في مصر، وأنا كنت راجعة من لبنان عشان مدرسة بنتي، ولقيت حاجات نسائية مش بتاعتي على سريري، والموضوع كان خلصان لكن كنت مكملة عشان خاطر بنتي”.

واعترفت دوللي خلال الحلقة بمعاناتها الشديدة في طفولتها من قسوة والدها، الذي لم يكن يحب إنجاب البنات، وربّاها كولد حتى بلغ عمرها 12 سنة.

وقالت: “ماكنتش بحب بابا وأنا صغيرة، وده اللي خلاني عايزة أتجوز وأخرج من البيت، وخلّى عندي كمية غضب كبيرة كنت ساعات بطلعها على إخواتي”.

وأضافت: “من أول سن 3 سنين ابتديت اتربى كولد، وشعري يتقص قصير وألبس لبس صبيان، ولحد سن 12 سنة كنت ابن شارع جداً، أضرب العيال، ولو حد ضرب أخويا أنا اللي انضرب في البيت عشان مدافعتش عنه”.

ورداً على سؤال: ما سبب معاملته لك بهذه الطريقة؟ قالت: “مكانش بيحب البنات، ولما ابتديت أحس إني بنت وابتدى يتقدملي عرسان وأنا طفلة عمرها 12 سنة حصلت له صدمة، وابتديت أتسجن في أوضتي وممنوع أخرج منها ولا أشوف حد ولا آكل مع عيلتي، وبدأت أدخل خلافات مع بابا طول الوقت وأثور على الواقع”.

ورداً على سؤال متى قررت مسامحة والدك على قسوته؟ قالت: “لما حصلت على حريتي وبدأت أسافر، وأول مرة سمعته في التلفون وأنا في البحرين بيقول وحشتيني عيطت…”.

وكشفت دوللي شاهين أنها أخفت عن والدها فيلمها الأول قائلة: “بابا مكانش موافق إني أمثل، وطبعاً أول أفلامي “ويغا” مفرجتوش عليه لغاية ما توفى، وقبل وفاته بشهور عملت مونتاج للفيلم وفرجته على نسخة معدّلة من غير البوسة”.

المصدر:مواقع

((  تابعنا على الفيسبوك   –  تابعنا على تلغرام   –   تابعنا على انستغرام  –  تابعنا على تويتر ))