هوى الشام
مشوار اليوم خصصنا لريف الشام حبينا ناخدكن كزدورة صغيرة على بحيرة زرزر .. هالبحيرة يلي بتقع بمنطقة الروضة بالزبداني وهي أهم المواقع السياحية المعدة للاستثمار السياحي وبتبعد عن دمشق مسافة /50/ كم عن طريق دمشق – المزة.
البحيرة بتساير طريق لبنان الدولي اتستراد دمشق – بيروت وبترتفع عن سطح البحر حوالي 1200 م, وبيحيط فيها التلال والجبال الخضرا يلي بمنطقة الزبداني– التكية وفي حواليها كمان اثار تاريخية مهمة منها قلعة كوكو.
هالبحيرهة مانها كبيرة كتير بس ممكن تقضوا فيها اوقات العصرية وتقعدوا تحت شجراتها الكبيرة والحلوة وتاخذو الشاي والقهوة والمكسرات وتتجولو بالقارب داخلها وتقريبا المبلغ للقارب بيتراوح بين 600 و 800 ليرة وكمان فيكون تمارسو ركوب الخيل وفي بالمنطقة اضافة لهالشي مقاهي بتبيع المشروبات والمكسرات والعاب اطفال.
مع تمنياتنا الكن بانو تقضو اطيب الاوقات وانفعها.
