دمشق_هوى الشام
كلنا رماديون، إي ولا حدا يقلي شو هالحكي!! ويبيضا عالآخر، تعو لقلكون .. مين فينا كل أول شهر لما منعبي هالجيبي بشوية قروش ما بتبيض الدنيا بوشه وبيفرفح قلبه وبيشوف الحياة وردية وبيتشهون عكل شي وبيحس حاله مع كل شي ومافارق معه شي?… وبس تبلش توقع وراق هالرزنامة ويمشي عداد الشهر وتطير الفلوس ورقة ورا ورقة، وتصير الغصة تلحق الغصة، بيبدا الاسود يعتم عالابيض وتلحق عيونا الأسعار ويتراودنا سؤال ورا سؤال فينا? منجيب? بيبقى? .. بلاها، ولما بتشوف جياب عم تتعبا لكتار من ولاد بلدك إلي لازم يكون حالك متل حالون بس هني عرفوا ضبطوا حالون “براني” بشاطرة وحرامية صارت مشروعة بهالبلد وقتا بيكون الأسود وشح الأبيض وصار مايل للرمادي والطفر خلاك ضد كل شي وعوفك كل شي ومانك قادر تميز شي من شي….إلا الرمادي.
