هالة فاخر تكشف سبب خلعها الحجاب: “قلعته علشان أشتغل”

هوى الشام|   كشفت الفنانة هالة فاخر في لقاء تلفزيوني الظروف التي مرت بها خلال فترة ارتدائها الحجاب، قبل أن تقرر التخلّي عنه لتعود للتمثيل بـ”الباروكة”، ثم تقرر أن تظهر بشعرها مرة أخرى.

وقالت هالة: “أنا حسيت إني عايزة اتحجب وما فيش حد أثّر عليا ولا روحت دروس دينية، قبل ما اتحجب روحت الحج، وأنا قعدت محجبة حوالي 4 أو 5 سنين”.

وعن وضعها “باروكة” في أعمالها، قالت :”لإن الشغل بقى محدود، وأنا مش وارثة، ومافيش دخل، لازم أنزل أشتغل، ولما سمعت إن الباروكة بدل الحجاب، قلت أهو تلكيكة، لكن دا مش صحيح طبعاً، واشتغلت شوية بالباروكة”. وأضافت: “الباروكة بتحلّي أكتر، ما هو يا تتحجبي يا إما ما تتحجبيش، كنت في الفترة دي عندي لخبطة، ما بين إني اتحجب وإني أقلع الحجاب، بس أنا لازم أقلع الحجاب علشان أشتغل، وربنا غفور رحيم”.

وعن قرار التخلّي عن الحجاب، قالت: “حسيت إني نازلة الشارع وأنا مش مكمّلة لبسي، حسيت إني “عريانة”، وما كنتش بلبس “كت”، والموضوع كان بيني وبين ربنا سبحانه وتعالى”.

يُذكر أن آخر أعمال هالة فاخر، مسلسل “طير بينا يا قلبي”، وهو من بطولة: ريم مصطفى، بسمة، دنيا ماهر، محسن محيي الدين، أحمد صيام… تأليف باسم علي الخطيب وإسلام شتا وأحمد رجب حسن، وإخراج عصام نصار.

المصدر:مواقع

((  تابعنا على الفيسبوك   –  تابعنا على تلغرام   –   تابعنا على انستغرام  –  تابعنا على تويتر ))