نصائح عامة وتفاصيل كاملة لكل ما يخص مسابقة التوظيف المركزية

هوى الشام |نصائح عامة وتفاصيل كاملة لكل ما يخص مسابقة التوظيف المركزية

️1 – موعد التقديم:
التقديم ببلش ب 23/1 وبيخلص 24/2 والتقديم بكون بديوان المحافظة اللي أنت فيها
مثلا أنت ساكن بالشام بتنزل مع الأوراق المطلوبة على مبنى المحافظة وعلى الديوان تحديدا وبتقدمهن.

2 -الأوراق المطلوبة:
صورة عن الهوية وصورة عن مصدقة التخرج أو البكالوريا او التاسع ع حسب شو بدك تتوظف ووثيقة غير عامل ووثيقة غير محكوم بتجيبهن من مركز خدمة المواطن، ووثيقة تأدية خدمة العلم أو معفى منها أو مايثبت أنه في الخدمة.

3 – وين رح نتوظف:
بهالكم يوم رح يطلعوا الشواغر مثلا بقولوا أنو في شواغر بوزارة الصحة وبرئاسة الجامعة ووزارة الخارجية ومديرية التربية وع حسب أنت هون بتقدم ع ٣ رغبات بدك تقدم عليهن يعني بتسجل 3 رغبات.

4 – موعد المسابقة:
بنص الرابع والنتائج تقريباً بنص الخامس

5 – شو ندرس:
وزارة التنمية حذرت من أنو تدرسوا من النوط والتطبيقات اللي عم تنزل عالنت
لهيك يفضل تتابعوا صفحة وزارة التنمية والأخبار اللي بتطلع عنها
وأهم شيء يكون عندكم فكرة عن القانون الإداري والإدارة العامة هي في كتب ومحاضرات الها كتير
ويكون عندكم معلومات عن إدارة الوقت ومهارات التواصل والمهارات الوظيفية والذكاء العاطفي والثقافة العامة والحاسوب واللغة العربية.